ایشوریا رائے نے میری زندگی بدل دی، اتھیا شیٹھی

اتوار, 23 جولائی 2017 00:18

ممبئی: بالی کے نامور اداکار سنیل شیٹھی کی خوبرو بیٹی اتھیا شیٹی کا کہنا ہے کہ فلم انڈسٹری میں ایشوریا رائے کی وجہ سے آئی اور انہوں نے میرے کیریئر اور زندگی کو بدلنے میں بہت اہم کردارادا کیا ہے۔ بالی ووڈ ایسی جادوئی نگری ہے جس میں شامل ہونے کیلئے لوگوں کو بہت پاپڑ بیلنے پڑتے ہیں، کچھ لوگ اس گلیمرس دنیا میں قدم جمانے میں کامیاب ہو جاتے ہیں جبکہ کچھ لوگ تھک ہار کر گھر بیٹھ جاتے ہیں تاہم بالی ووڈ کے مشہور اداکاروں کی اولادوں کو فلموں میں انٹری دینے کیلئے زیادہ محنت نہیں کرنی پڑتی بلکہ انہیں پہلا موقع نہایت آسانی سے مل جاتا ہے، موجودہ دور میں بالی ووڈ کے کئی نوجوان اداکار کسی نہ کسی مشہور شخصیت کی اولادیں ہیں اور ان ہی میں اداکار سنیل شیٹھی کی بیٹی اتھیا شیٹھی بھی شامل ہیں۔
اتھیا شیٹھی نے 2015 میں فلم ’’ہیرو‘‘ کے ذریعے بالی ووڈ میں قدم رکھا، ان کی فلم باکس آفس پر تو خاص کمال نہ دکھا سکی لیکن اتھیا شائقین کے دلوں میں جگہ بنانے میں کامیاب ہو گئیں، ایک انٹرویو کے دوران اتھیا نے اپنے بالی ووڈ کیرئیر کے حوالے سے بات کرتے ہوئے کہا کہ وہ فلموں میں اپنے والد کی وجہ سے نہیں آئیں بلکہ انہیں ایشوریا رائے نے بالی ووڈ میں آنے پر مجبور کیا۔
انہوں نے کہا کہ 2006 میں فلم ’’امراؤ جان‘‘ میں ایشوریا کے ساتھ ان کے والد سنیل شیٹھی بھی اداکاری کر رہے تھے لہٰذا میں بھی ان کے ساتھ سیٹ پر جاتی تھی تاہم میں وہاں شوٹنگ دیکھنے کیلئے نہیں ایشوریا رائے کو دیکھنے جاتی تھی، وہ جہاں جاتی تھیں میں ان کے پیچھے پیچھے جاتی اور انہیں تیار ہوتے ہوئے دیکھتی رہتی۔ انہوں نے کہا کہ میں ایشوریا سے اس قدر متاثر تھی کہ میں نے فلم کے سیٹ پر ہی فیصلہ کر لیا کہ اسی شعبے میں اپنا کیرئیر بناؤں گی، آج میں فلم انڈسٹری میں ایشوریا کی وجہ سے ہوں اور انہوں نے میرا کیرئیر اور زندگی بدلنے میں بہت اہم کردار ادا کیا۔
واضح رہے کہ اتھیا ان دنوں فلم ’’مبارکاں‘‘ کی شوٹنگ میں مصروف ہیں جس میں ان کے ساتھ ارجن کپور، انیل کپور اور الیانا ڈی کروز اہم کرداروں میں نظر آئیں گے، ’’مبارکاں‘‘ میں ارجن کپور ڈبل رول ادا کر رہے ہیں اور یہ فلم 28 جولائی کو ریلیز کی جائے گی۔

Read 4321 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto