’کپوراینڈ سنز‘‘ کی کامیابی نے فواد خان کے لیے فلم نگری کے دروازے کھول دیئے

پیر, 21 مارچ 2016 14:31

پاکستانی ڈراموں سے شہرت حاصل کرنے والے چارمنگ اداکار فواد خان کی حال ہی میں ریلیز ہونے والی فلم’’کپوراینڈ سنز‘‘ کی کامیابی نے ان کے بالی ووڈ کے دروازے کھول دیئے ہیں جس کے بعد اب کرن جوہر نے انہیں ایک اور فلم میں کام کی پیشکش کردی۔

پاکستانی ڈرامہ انڈسٹری سے نام کمانے والے اداکار فواد خان نے بالی ووڈ میں فلمی کیرئیر کا آغاز 2014 میں ریلیز ہونے والی فلم’’خوبصورت‘‘ سے کیا جس میں ان کے مدمقابل مرکزی کردار اداکارہ سونم کپور نے ادا کیا جب کہ فلم میں ان کی اداکاری کو بے حد پسند کیا گیا جس کے بعد انہیں کئی فلموں میں کام کی پیشکش ہوئی لیکن وہ بوس و کنار سے اجتناب کی پالیسی کے باعث متعدد فلموں میں کام کرنے سے انکار کرچکے ہیں تاہم اب فلم کپور اینڈ سنز کی نمائش کے بعد معروف ہدایت کار کرن جوہر نے انہیں اپنی ایک اور فلم میں کام کرنے کی پیشکش کی ہے۔

میڈیا رپورٹس کے مطابق حال ہی میں ریلیز ہونے والی فلم’’کپور اینڈ سنز‘‘ کی کامیابی کے سفر پر جاری ہے جس میں فواد خان کی اداکاری کو بے حد پسند کیا جارہا ہے جب کہ پاکستانی چارمنگ ہیرو کی جاندار اداکاری کے باعث معروف ہدایت کار کرن جوہر نے انہیں اپنی نئی آنے والی فلم’’اے دل ہے مشکل‘‘ کے بعد ایک اور فلم میں کام کرنے کی پیشکش کی  جسے قبول کرتے ہوئے فواد خان نے نئی فلم بھی سائن کرلی ہے جس کے بعد اب فواد خان کرن جوہر کی دھرما پروڈکشن کے بینر تلے بننے والی تیسری فلم میں نظر آئیں گے جس کا باقاعدہ اعلان آئندہ چند روز میں کیا جائے گا۔

واضح رہے کہ فواد خان ان دنوں دھرما پروڈکشن کے بینر تلے بننے والی فلم ’’اے دل ہے مشکل‘‘ کی شوٹنگ میں مصروف ہیں جس میں ان کے ساتھ رنبیر کپور، ایشوریا رائے اور انوشکا شرما مرکزی کردار ادا کریں گے

Read 471 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto