پاکستانی فنکاروں کے بالی وڈ میں قابل اعتراض کردار ملکی بدنامی کا باعث ہیں، نور

بدھ, 30 مارچ 2016 20:47

لاہور:  فلم اسٹارنور نے بالی وڈفلم ’’ کپوراینڈ سنز‘‘ دیکھنے کے بعد معروف اداکارفواد خان کوقابل اعتراض کردار نبھانے پر شدید تنقیدکا نشانہ بناڈالا۔ پاکستانی فلموں کوسائن کرنے کے لیے کہانی، کرداراورمعاوضے کی شرائط جب کہ بھارتی فلموں میں کام کے لیے کسی بھی طرح کا کردارنبھانا اب معمول بنتا جارہا ہے۔

پہلے ہی بالی وڈ فلموں میں پاکستانی فنکاروں کو معیاری کام نہیں دیا جاتا لیکن اس کے باوجود ہرکوئی بھارت جاکر’’ شہرت کی بلندیوں‘‘ کوچھونا چاہتا ہے۔  نور کا کہنا تھا کہ بالی وڈ میں بڑی سوچی سمجھی سازش کے تحت پاکستان کونیچا دکھانے کے لیے ہمارے فنکاروں کوایسے کردارآفرکیے جاتے ہیں جن کا مقصد وطن عزیز کی ساکھ کونقصان پہنچانا ہے۔ لائن آف کنٹرول پربھارتی فوج کی خلاف ورزی جاری ہے، راء کا ایجنٹ کارروائیاں کرتا پکڑا گیا ہے لیکن اس کے باوجود ہمارے ملک کے باصلاحیت فنکاروہاں پرجاکرایسا کام کررہے ہیں جس سے وطن عزیزکا امیج متاثر ہورہاہے۔ فواد خان ہمارے ملک کا باصلاحیت اداکار ہے۔

لاکھوں لوگ اس کے چاہنے والے ہیں اوراس کو پسند کرتے ہیں ۔ ایسے مقبول فنکارکواس فلم کوسائن کرنے سے پہلے سوچنا چاہیے تھا کہ اس کے اس کردارسے پاکستانیوں کوتکلیف پہنچے گی۔ اگرکہانی میں اس قدر جان تھی اوریہ کرداربہت جاندارتھا تویہ کرداربھارتی اداکارسدھارتھ ملہوترا سے کروانا چاہیے تھا لیکن انھوں نے ایسا نہیں کیا۔

اس کا مقصد صرف اورصرف پاکستان کوبدنام کرنا تھا۔ بالی وڈ والے اچھی طرح اس بات کوجانتے ہیں کہ فوادخان ہمارے ملک کا سپراسٹارہے اورانھوں نے ایک سازش کے تحت انھیں ایسے قابل اعتراض کردارمیں سائن کرکے دنیا کوبتایا ہے کہ پاکستانی سپراسٹارہمارے ہاں ایسے غیراخلاقی کردارنبھانے کے لیے بھی تیارہوتے ہیں۔

انھوں نے کہا کہ مجھے فوادخان کا کام پسند ہے اوراسی لیے میں فلم دیکھنے سینما گھرگئی تھی لیکن جب ان کا کردارسامنے آیا توبطورپاکستانی مجھ بہت تکلیف پہنچی اوراسی لیے میں نے سوشل میڈیا پربھی اپنی تکلیف کااظہارکیا ہے۔ ہمیں بالی وڈ اوردنیا کی بیشترفلم انڈسٹریوں میں ضرورکام کرنا چاہیے لیکن اس بات کا خیال بھی ضروری ہے کہ ہمارے کسی فعل سے پاک وطن کی بدنامی نہ ہوجائے۔

Read 841 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto