پاناما لیکس میں نام آنے پر امیتابھ بچن وضاحت دینے پر مجبور

بدھ, 06 اپریل 2016 21:53

نئی دلی: بھارت کے لیجنڈری اداکار امیتابھ بچن نے پاناما لیکس کی رپورٹ کو مسترد کرتے ہوئے کہا ہے کہ بیرون ملک پیسہ بھی قانون کے مطابق بھجوایا جب کہ پاناما لیکس میں میرے نام کا غلط استعمال کیا گیا۔

پاناما لیکس نے اپنی رپورٹ کے ذریعے عالمی سیاست میں ہلچل مچا دی ہے جب کہ آف شور کمپنیوں کے مالکان کے نام اور شواہد سامنے آنے کے بعد کئی ممالک نے باضابطہ طور پر تحقیقات کا آغاز کردیا ہے۔ بھارتی سپریم کورٹ نے بھی 2 سابق ججوں ایم بی شاہ اور ارجیت پسایت پر مشتمل کمیٹی تشکیل دی ہے جو 25 اپریل تک اپنی رپورٹ سپریم کورٹ میں پیش کرے گی۔

بھارتی میڈیا کے مطابق پاناما لیکس کی رپورٹ میں بھارت کے لیجنڈری اداکار امیتابھ بچن پر بھی آف شور اکاؤنٹس بنانے کا الزام عائد کیا گیا جس کے رد عمل میں امیتابھ بچن نے کہا ہے کہ بھارتی ویب سائٹ ’’دی انڈین ایکسپریس‘‘ میں شائع ہونے والی رپورٹ میں جن کمپنیز کو منسلک کیا گیا ہے، میں ان میں سے کسی کا بھی ڈائریکٹر نہیں رہا ہوں، ان دستاویزارت میں میرے نام کا غلط استعمال کیا گیا ہے ۔ انہوں نے کہا کہ میں نے تمام تر ٹیکس ادا کیا اور اگر میرے ذریعے کوئی پیسہ باہر بھیجا گیا ہے تو وہ بھی بھارتی قانون کے مطابق ہی ہوا ہے۔

Read 470 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto