آج انڈین ٹی وی پر جو مواد دکھایا جاتا ہے اس پر ہم سب کو فکرمند ہونا چاہیے، پراچی دیسائی

اتوار, 15 مئی 2016 13:21

ممبئی: بولی وڈ اداکارہ پراچی دیسائی جنہون نے ہندوستانی ٹیلی ویژن سے اپنے کیرئیر کا آغاز کیا تھا ماننا ہے کہ آج انڈین ٹی وی پر جو مواد دکھایا جاتا ہے اس پر ہم سب کو فکرمند ہونا چاہیے۔ بھارتی میڈیا کو انٹرویو دیتے ہوئے پراچی نے کہا 'ہمیں دیکھنا چاہیے کہ ملک اس وقت کہاں جارہا ہے اور ہمارے ارد گرد کیا ہورہا ہے، ہمیں اپنی آنکھیں کھولنی چاہیے اور لوگوں کو وہ دکھانا چاہیے جس سے وہ بہتری کی طرف جائیں'۔ان کا مزید کہنا تھا 'میں یہ نہیں کہتی کہ ڈرامے کوئی سوشل سروس ہیں، لیکں ٹی وی بہت مختلف سطح پر بہت سے لوگوں کی زندگیوں پر اثر انداز کرتا ہے'۔27 سالہ پراچی کا ماننا ہے کہ ہندوستانی ٹی وی شوز اب بہت غلط انداز میں بنائے جاتے ہیں۔ٹی وی ڈراموں پر واپسی کے حوالے سے سوال پر پراچی کا کہنا تھا کہ وہ فی الحال ایسا کوئی ارادہ نہیں رکھتی کیوں کہ اس وقت ہندوستانی ڈراموں کو دیکھ کر انہیں کافی دکھ ہوتا ہے۔پراچی کی حالیہ ریلیز فلم 'اظہر' ہندوستانی کرکٹ کپتان اظہرالدین کی زندگی پر بنائی گئی ہے جس میں اداکارہ نے ان کی پہلی بیوی نورین کا کردار ادا کیا۔اس حوالے سے اداکارہ کا کہنا تھا کہ انہیں زیادہ تر فلموں میں ایسے ہی کردار ملے جو اصل زندگی میں ان سے برعکس ہیں تاہم وہ انہیں بھی باخوبی سے نبھانے کی کوشش کرتی ہیں۔فلم 'اظہر' 13 مئی کو سنیما گھروں میں نمائش کے لیے پیش کی گئی جسے شائقین اور ناقدین کا ملا جلا ردعمل موصول ہورہا ہے۔

Read 2656 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto