’رضیہ سلطان‘ تاریخی ڈراموں کے شوقین افراد کے لئے تحفہ

بدھ, 01 جون 2016 18:05

​​سیریل میں بھائیوں کی حسد کے صدمے اور دکھ سے دو چار رضیہ کو جن احساسات اور ایکسپریشنز پیش کرتے دکھایا گیا ہے وہ اپنے آپ میں ایک کمال ہے

کراچی — 

پاکستان میں صرف فلمی اسکرین پر ہی نہیں بلکہ چھوٹی اسکرین پر بھی نئے موضوعات پر کام ہو رہا ہے۔ ان میں سے ایک موضوع ’تاریخ ‘ہے۔ حالیہ مہینوں میں کئی ایسے تاریخی ڈرامے پیش کئے گئے ہیں جو موضوع کے ساتھ ساتھ صلاحیت کا بھی منہ بولتا ثبوت تھے مثلاً، ’میرا سلطان‘ اور ’نورمحل‘ ۔

جنوبی ایشیاء کی تاریخ کے بہت سے کردار ایسے گزرے ہیں جن کی بہادری اور دانش مندی کی داستانیں آج بھی سنائی جاتی ہیں۔ ’رضیہ سلطان‘ بھی ایسا ہی ایک تاریخی کردار ہیں۔

رضیہ سلطان کی غیرمعمولی زندگی کو ڈرامہ کے روپ میں پیش کیا جا رہا ہے جیو نیٹ ورک کے چینل ’جیو کہانی‘ پر۔

’رضیہ سلطان‘ کی پہلی قسط 30 مئی کو پیش کی گئی۔ چینل کی ایک عہدیدار نے’ وائس آف امریکہ‘ کو بتایا کہ’ سلطنت دہلی کی پہلی خاتون حکمراں رضیہ سلطان کی ذاتی اور عوامی زندگی کی جھلک پیش کرتی اس سیریل میں مرکزی کردار پنکھوری اوستھی نے نہایت عمدگی سے ادا کئے ہیں۔

رضیہ سلطان کے والد التمش نے قابلیت کے بل پر اپنی بیٹی ’کو ناصرف خود تربیت دی بلکہ اپنی کچھ ذمے داریاں بھی اسے سونپیں۔ التمش کی موت کے بعد رضیہ نے ہی اقتدار سنبھالا۔ لیکن اقتدار سنبھالنے کے ساتھ ہی انہیں نہ صرف غیروں بلکہ اپنوں کی سازشوں کا بھی سامنا کرنا پڑا۔

سیریل میں بھائیوں کی حسد کے صدمے اور دکھ سے دو چار رضیہ کو جن احساسات اور ایکسپریشنز پیش کرتے دکھایا گیا ہے وہ اپنے آپ میں ایک کمال ہے۔

تاریخی ڈراموں کے شوقین افراد کے لئے ’رضیہ سلطان‘ ایک تحفہ ہے جس میں تاریخ کی پراسراریت بھی ہے اور رشتوں کی کشمکش بھی۔

Read 2238 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto