بھارت میں استاد غلام علی کی سیکیورٹی ان کے منتظمین کو پریشان کرنے لگی

منگل, 26 جنوری 2016 19:21

ممبئی: بھارت میں موجود نامورپاکستانی غزل گائیک استاد غلام علی کی سیکیورٹی ایک مرتبہ پھر ان کے منتظمین کو پریشان کرنے لگی جب کہ پاکستانی غزل گائیک فلم “گھر واپسی” میں گائے جانے والے اپنے گانے سے متعلق تقریب میں شرکت کے لئے 29 جنوری کو ممبئی جائیں گے جہاں منتظمین کو ان کی سیکیورٹی سے متعلق شدید تحفظات ہیں۔

بھارتی میڈیا کے مطابق ہدایت کار صہیب الیاس کی فلم گھرواپسی میں پاکستانی نامورغزل گائیک استاد غلام علی فلم میں کردارادا کرنے کے علاوہ مرکزی گانا بھی گائیں گے اوراسی گانے کے میوزک لاؤنچنگ تقریب 29 جنوری کو ممبئی میں ہونا ہے تاہم استاد غلام علی کی سیکیورٹی کے حوالے سے منتظمین کو شدید خدشات ہیں کیوں کہ حال ہی میں ہندوانتہا پسند تنظیم شیوسینا کی جانب سے دھمکیاں دیئے جانے کے بعد ممبئی اورپونےمیں ہونے والے ان کے کنسرٹ منسوخ کردیئے گئے تھے۔

ہدایت کار صہیب الیاس نے بھارتیہ جنتا پارٹی کی ریاستی حکومت اور پولیس سے درخواست کی کہ استاد غلام علی کے دو روزہ دورے کے دوران انہیں مناسب سیکیورٹی فراہم کی جائے تاکہ تقریب میں کوئی بدنظمی نہ ہوسکے۔ ان کا کہنا تھا کہ 29 جنوری کو ہم اپنی فلم کا میوزک ریلیز کریں گے تاہم اس کے لئے حکام کی جانب سے استاد غلام علی کی سیکیورٹی کے حوالے سے تصدیق آنا باقی ہے۔

ہدایت کار کا کہنا تھا کہ ان کی فلم بھارت میں بڑھتے عدم برداشت سے متعلق ہے تاہم جب ان سے اس پرعوام کی جانب سے آنے والے ممکنہ رد عمل کے حوالے سے پوچھا گیا توان کا کہنا تھا کہ ان کی فلم کا مقصد سیاسی لوگوں کو عدم برداشت سے متعلق پیغام دینا ہے جب کہ فلم میں استاد غلام علی “گھر واپسی” گانا گائیں گے اورفلم میں بھی دکھائی دیں گے

Read 802 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto