ہالی وڈ اداکار اینٹون یلچِن اپنی ہی کار سے ہلاک

پیر, 20 جون 2016 03:04

فلم سٹار ٹریک میں چیکوو کا کردار ادا کرنے والے ہالی وڈ کے روسی نژاد اداکار اینٹون یلچِن اپنی ہی کار کے نیچے آ کر ہلاک ہو گئے ہیں۔

لاس اینجلس میں پولیس کا کہنا ہے کہ ان کے گھر میں ہی گاڑی ایک ڈھلان پر پیچھے کی جانب چلتے ہوئے انھیں ساتھ گھسیٹ کر لے گئی اور حفاظتی باڑ اور اینٹوں سے بنے پوسٹ باکس سے جا ٹکرایا۔

وہ اتوار کو دن ایک بجے انتقال کر گئے۔

27 سالہ یلچِن نے دیگر فلموں میں بھی کام کیا جن میں لائیک کریزی اور گرین رُوم شامل ہیں۔

یلچِن نے سنہ 2009 میں ’سٹار ٹریک‘ جبکہ سنہ 2013 میں ’سٹار ٹریک ان ٹو ڈارکنیس‘ میں پاویل چیکوو کا کردار بھی ادا کیا۔

اسی کردار کے ساتھ ان کی تیسری فلم ’سٹار ٹریک بی اونڈ‘ آئندہ ماہ ریلز ہونی ہے۔

ان کے انتقال کی خبر اتوار کو ٹوئٹر پر ٹرینڈ کرتی رہی۔

پولیس کے مطابق وہ اپنے دوستوں سے ملنے جانے والے تھے اور جب وہ وہاں نہیں پہنچے تو دوست ان کے ہاں چلے آئے اور انھیں وہاں مرے ہوئے پایا۔

ان کے خاندان نے موت کی تصدیق کرتے ہوئے ان کی ذاتیات کا خیال رکھنے کی درخواست کی ہے۔

Read 2025 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto