’انڈین سماج گورے رنگ کے پیچھے پاگل ہے‘

بدھ, 03 اگست 2016 20:41

آسٹریلیا اور انڈیا کی مشترکہ فلم ’ان انڈین‘ میں مرکزی کردار ادار کرنے والے کرکٹر بریٹ لی کا کہنا ہے کہ آسٹریلیا میں نسلی امتیازات نہیں ہیں جبکہ اس فلم کی ہندوستانی اداکارہ تنشٹھا کا کہنا ہے کہ ہندوستانی سماج گورے رنگ کا دیوانہ ہے۔

 سابق کرکٹر بریٹ لی نے کہا تھا: ’آسٹریلیا میں نسلی امتیازات نہیں ہیں، یہاں تمام ثقافت اور رنگ کے لوگوں کا استقبال ہے۔‘

جبکہ اسی فلم میں ان کے ساتھ کام کرنے والی بھارتی اداکارہ تنشٹھا کا کہنا ہے: ’ہندوستانی سماج گورے رنگ کے پیچھے پاگل ہے اور کمرشل سنیما اس احساس کو مزید ہوا دے رہا ہے۔‘


وہ کہتی ہیں: ’ہمارے یہاں کاجول، رانی مکھرجی، بپاشا باسو، سمیتا پاٹل جیسی کئی بڑی سٹارز ہیں جو گوری نہیں تھیں لیکن پھر بھی ہم (سانولے) لوگوں کو الگ طرح کی لڑائیاں لڑنی پڑتی ہیں صرف یہاں نہیں بلکہ پوری دنیا میں۔‘

تنشٹھا ’ان انڈين‘ نام کی انڈو-آسٹریلین فلم میں میرا نام کی لڑکی کا کردار ادا کر رہی ہیں جو جدید نظریے کی حامل آزاد خاتون ہیں اور ہر معاملے میں خواتین کے حقوق کی بات کرتی ہیں۔‘

تنشٹھا کہتی ہیں: ’حال ہی میں یہ بات سامنے آئی تھی کہ ہالی وڈ میل ڈامنیٹیڈ انڈسٹری ہے۔ ٹھیک اسی طرح بالی ووڈ بھی زیادہ تر میل ڈامنیٹیڈ ہے لیکن رفتہ رفتہ اب ہمارے ملک اور دنیا میں خواتین کی آزادی اور مردوں کے ساتھ مساوات کے تعلق سے خوش آئند تبدیلیاں آ رہی ہیں۔ اگرچہ اب بھی یہ راستہ کافی طویل ہے لیکن ہم آگے بڑھ رہیں ہے۔‘


تنشٹھا کا خیال ہے کہ آگے بڑھنے کے لیے ہر عورت کو اپنے حصے کی لڑائی لڑنی پڑتی ہے۔

بریٹ لی کے ساتھ فلم میں مباشرت کے مناظر پر انڈین سینسر بورڈ کے اعتراض پر ہنستے ہوئے وہ کہتی ہیں: ’دنیا بھر میں سینسر شپ کی تاریخ کو دیکھ کر لگتا ہے کہ جتنا کسی آرٹسٹ، فلم ساز کو کنٹرول یا سینسر کیا جائے گا اتنا ہی ہم اس کا دفاع کریں گے۔ سینسر یا حکومت جو کنٹرول کرنا چاہتی ہے اس کا نتیجہ کبھی برامد نہیں ہوتا۔ آپ زیادہ سے زیادہ سینسر کریں گے تو ہم دوسرا راستہ اختیار کریں گے لیکن اپنی بات ضرور کہیں گے۔‘

Read 1436 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto