پاکستانی مداح کا سلمان خان کو سالگرہ پر انوکھا تحفہ

بدھ, 28 دسمبر 2016 18:05

دبئی: بالی ووڈ کے دبنگ اداکارہ سلمان خان اپنی اداکاری اور دوستی نبھانے میں اتنے مشہور ہیں کہ وہ اپنے دوستوں کو تحفے تحائف دینے پر کروڑوں روپے نچھاور کرنے سے بھی گریز نہیں کرتے لیکن ایک پاکستانی مداح نے ان کی 51 ویں سالگرہ پر انہیں انوکھا تحفہ دیا ہے۔

بھارتی میڈیا کے مطابق دبئی میں قیام پزیر سلمان خان کے پاکستانی مداح علی ملک نے سپر اسٹار کی 51 ویں سالگرہ پر انہیں انوکھا تحفہ دینے کے لئے ان کی تاریخ پیدائش والی نمبر پلیٹ خریدی ہے۔ علی ملک کی حاصل کردہ نمبر پلیٹ کی سیریز ایس اور اس کا نمبر  2712 ہے جو سلمان خان کی تاریخ پیدائش کا دن ہے۔

سلمان خان کے پاکستانی مداح نے نمبر پلیٹ 11 ہزار 400 امارتی درہم میں خریدی اور پھر بعد ازاں اسے فروخت کر کے دبئی کیئرز اور سلمان خان کی فلاحی تنظیم ’’بِینگ ہیومن‘‘ کے لئے چندا اکٹھا کیا۔

علی ملک کا کہنا تھا کہ اپنے کاروبار کا آغاز کرنے سے قبل ماڈلنگ کرتا تھا، ماڈلنگ کے دوران حاصل ہونے والی رقم میں اپنی والدہ کو دے دیا کرتا تھا جو اس رقم کو مستحق افراد تک پہنچا دیتی تھیں اس لئے میں اس وقت سے ہی فلاحی کاموں میں دلچسپی لیتا تھا۔ علی کا مزید کہنا تھا کہ جب دبئی کی سڑکوں پر آر سیریز کی نمبر پلیٹ آئی تو اسی وقت مجھے یقین ہو گیا تھا کہ اب بہت جلد ایس سیریز بھی مارکیٹ میں آ جائے گی اور اسی وقت سے میں اس نمبر پلیٹ کے لئے روڈز اینڈ ٹراسپورٹ اتھارٹی (آر ٹی اے) کو مسلسل دیکھ رہا تھا۔

Read 2026 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto