ماہرہ خان اور رنبیر کپور کی اسٹیج کے پیچھے بنائی گئی خفیہ ویڈیو لیک ہوگئی، سوشل میڈیا پر تہلکہ مچ گیا

پیر, 20 مارچ 2017 15:55

دبئی: ماہرہ خان نے حال ہی میں دبئی میں منعقدہ ”گلوبل ٹیچر پرائز سیریمنی“ میں شرکت کی جہاں ان کا ساتھ دینے والے کوئی اور نہیں بلکہ بالی ووڈ کے خوبرو اداکار رنبیر کپور تھے۔ اس تقریب کا اہتمام وارکی فاﺅنڈیشن نے کیا تھا جس میں کئی ستاروں نے شرکت کی۔ اس تقریب میں رنبیر کپور کالے سوٹ میں نظر آئے تو ماہرہ خان سرخ رنگ کا جوڑا زیب تن کئے شریک ہوئیں۔

دونوں نے تقریب کے دوران بہترین کمسٹری کا مظاہرہ کیا اور شائقین پرامید ہیں کہ یہ کسی دن بڑی سکرین پر بھی اکٹھے اداکاری کے جوہر دکھاتے نظر آئیں گے، مگر اس سے پہلے ہی دونوں کی ایک خفیہ ویڈیو لیک ہو گئی ہے۔یہ ویڈیو سٹیج کے پیچھے بنائی گئی ہے جس میں ماہرہ خان رنبیر کپور سے کچھ کہتی نظر آتی ہیں اور رنبیر کپور بھی جواب میں کچھ کہتے نظر آتے ہیں تاہم اس کی آواز نہ ہونے کے باعث یہ سمجھنا مشکل ہے کہ دونوں کے درمیان کیا بات چیت ہو رہی ہے۔

ویڈیو شروع ہوتے ہی ایسا محسوس ہوتا ہے کہ ماہرہ خان پریشان ہیں اور رنبیر کپور کے سامنے ہاتھ جوڑ رہی ہیں اور اس کے بعد پریشانی کے عالم میں اپنے سر پر ہاتھ بھی پھیرتی ہیں تاہم یہ گمان ہی ہے اور اصل حقیقت کیا ہے اس کا ابھی تک کسی کو اندازہ نہیں ہو سکا۔ ویڈیو سوشل میڈیا پر آتے ہی تیزی سے پھیلنے لگی ہے اور لوگ طرح طرح کی رائے ظاہر کر رہے ہیں۔ اس ویڈیو کی حقیقت کیا ہے اور اس میں کیا گفتگو ہو رہی ہے؟ اس کے بارے میں یا تو رنبیر ہی بتا سکتے ہیں یا پھر ماہرہ خان لب کشائی کریں تو لوگوں کا تجسس ختم ہو گا۔

 

 

Read 8896 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto