کترینہ نے رنبیرکی امیدوں پر پانی پھیردیا

جمعرات, 25 مئی 2017 00:17

ممبئی: بالی ووڈ کی باربی ڈول کترینہ کیف نے رنبیر کپور کی ہوم پروڈکشن میں بننے والی فلم’’جگا جاسوس‘‘کی تشہیری مہم کے لیے آئٹم سانگ کرنے سے انکار کردیا۔ رنبیرکپور اور کترینہ کیف کا معاشقہ طویل عرصہ رہا اور دونوں اداکاروں کے ناکام معاشقے کے باعث فلم’’جگا جاسوس‘‘ بھی اب تک تعطل کا شکار ہے جب کہ فلم کے ہدایت کار انوراگ باسو کے منانے کے بعد دونوں ایک دوسرے کے ساتھ کام کرنے اور فلم کی تشہیر کے لیے رضامند ہوگئےجس کی تصدیق خود پروڈیوسر رنبیر کپور نے بھی کردی تھی لیکن اب کترینہ نے ایک بار پھر رنبیر کی امیدوں پر پانی پھیر دیا ہے۔
بھارتی میڈیا رپورٹس کے مطابق کترینہ کیف نے رنبیر کپور کو مالی خسارے سے بچانے کے لیے فلم ’’جگا جاسوس‘‘ کی تشہیری مہم ایک ساتھ چلانے کے لیے رضامندی ظاہر کی تھی جس کی تصدیق خود رنبیر نے 2 انٹرویوزمیں کی تھی جب کہ اب فلم کی نمائش کی تاریخ کے اعلان کے بعد رنبیر فلم کی تشہیری مہم کے سلسلے میں کترینہ کے ساتھ آئٹم سانگ کرنے کے خواہش مند تھے لیکن اداکارہ نے رنبیر کے ساتھ کسی قسم کی شوٹ کرانے سے انکار کر کے ان کی امیدوں پر پانی پھیر دیا۔
واضح رہے کہ ہدایت کار انوراگ باسو کی فلم’’جگا جاسوس‘‘طویل عرصہ زیر التوا رہنے والی بالی ووڈ فلم ہے جس کی نمائش کی تاریخ بھی متعدد بار بدلی گئی لیکن اب ایک بار پھر فلم کی رواں سال 14 جولائی کو نمائش کا اعلان کیا گیا ہے۔

Read 251 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto