جہاز میں ’فرمائش‘پوری نہ ہونے پر دولہے نے اپنے کپڑے اتار دیئے

پیر, 29 فروری 2016 19:10

لندن ۔ نئے نویلے دولہے عموماً معمول سے زیادہ تہذیب اور وقار کا مظاہر کرتے نظر آتے ہیں لیکن ایک برطانوی دولہے نے دلہن کے ہمراہ سفر کرتے ہوئے دوران پرواز ہی ایسا گل کھلا دیا کہ مسافروں سے بھرے جہاز کو ایمر جنسی لینڈنگ کرنا پڑگئی۔
اخبار ”ڈیلی میل“ کے مطابق دلہن، دولہے اور ان کے دوستوں پر مشتمل تقریباً بارہ افراد کا گروپ لندن سے براٹیسلاواجارہا تھا کہ راستے میںدولہے اور اس کے دوستوں نے بکثرت شراب نوشی کی۔ پرواز کے ایک مسافر الیگزینڈر کولر نے ڈیلی میل کو بتایا کہ ان لوگوں کا نشے سے برا حال تھا لیکن افسوسناک بات یہ ہوئی کہ دولہے نے مزید شراب کا مطالبہ شروع کر دیا، اور جب عملے نے معذرت کی تو ان لوگوں نے وہ فساد کھڑا کیا کہ جسے لفظوں میںبیان کرنا ممکن نہیں۔ ان کا کہنا تھا کہ ہنگامہ کرنے والا دولہا اور اس کے دوست اس قدر پریشانی کا سبب بنے کہ جہاز کو ایمرجنسی لینڈنگ کرنا پڑی۔ الیگزینڈر کا کہنا تھا کہ یہ لوگ نشے میں چور ہونے کی وجہ سے اپنے پاﺅں پر کھڑے بھی نہیں ہو پا رہے تھے لیکن اس کے باوجود مزید شراب طلب کر رہے تھے۔ ان میں سے ایک نے تو بطور احتجاج 170 مسافروں کے سامنے خود کو برہنہ کر لیا۔
الیگزینڈر کا کہنا تھا کہ ہنگامہ کرنے والے مسافر اس قدر احمق تھے کہ وہ سمجھ رہے تھے کہ جرمنی میں اترنے کے بعد بھی ان کی پارٹی جاری رہے گی، لہذا وہ دیگر مسافروں کیلئے بے پناہ تکلیف کا سبب بننے اور جہاز کی ایمرجنسی لینڈنگ کروانے کے باوجود بہت خوش نظر آ رہے تھے۔
مسافروں نے لیوٹن ایئرپورٹ کے عملے کو بھی شدیدتنقید کا نشانہ بنایا کیونکہ وہ ان مسافروں کی ابترحالت دیکھنے کے باوجود انہیں طیارے میں سوار ہونے سے روک نہیں پائے تھے، جبکہ جرمن پولیس نے بھی انہیں طیارے سے اتارنے میں کافی تاخیر کا مظاہر کیا، جس کی وجہ سے مسافروں کو مزید پریشانی اٹھانی پڑی ۔

 
Read 1034 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto