بریکنگ یارڈ میں آئل ٹینکرز، ایل پی جی کنٹینرز کی کٹائی پر تاحکم ثانی پابندی عائد

جمعہ, 03 فروری 2017 09:50

بلوچستان کے وزیر اعلیٰ نواب ثنا اللہ زہری نے فوری طور پر گڈانی شپ بریکنگ یارڈ میں آئل ٹینکرز اور ایل پی جی کنٹینرز کی کٹائی پر تاحکم ثانی پابندی عائد کرنے کی ہدایت جاری کر دی ہے۔

جمعرات کو جاری ہونے والے ایک سرکاری اعلامیہ کے مطابق وزیر اعلیٰ نے یہ ہدایت کوئٹہ میں منعقدہ ایک اعلیٰ سطح کے اجلاس کے دوران دی۔

گڈانی کراچی کے قریب بلوچستان کا ساحلی علاقہ ہے جہاں پاکستان کی واحد اور ایشیا کے بڑے شپ بریکنک انڈسٹریز میں سے ایک واقع ہے۔

اس شپ بریکنگ یارڈ میں گذشتہ سال نومبر اور رواں سال جنوری میں دو ناکارہ آئل اور ایل پی جی ٹینکروں میں آگ لگنے سے 30سے زائد مزدور ہلاک ہوئے تھے۔

اعلامیے کے مطابق آتشزدگی کے حادثات کی روک تھام کے حوالے سے لائحہ عمل مرتب کرنے کے لیے اجلاس میں شپ بریکرز ایسوسی ایشن کے عہدیداروں نے بھی شرکت کی۔

اجلاس میں اس بات سے اتفاق کیا گیا کہ شپ بریکنگ یارڈ میں محنت کشوں کی فلاح وبہبود اورتحفظ کے لیے مناسب انتظامات موجود نہیں۔

وزیر اعلیٰ کی ہدایت کی روشنی میں آئل ٹینکرز اور ایل پی جی کنٹینرز کی کٹائی پر پابندی عائد رہے گی۔ تاہم پہلے سے لنگر انداز آئل ٹینکرز اور ایل پی جی کنٹینرز کی مکمل صفائی کے بعد ان کی کٹائی کی اجازت ہوگی تاکہ آتشزدگی کا خطرہ نہ رہے۔

اجلاس میں گڈانی شپ بریکنگ ریگولیٹری اتھارٹی کے قیام کا فیصلہ کیا گیا جس کے تحت ون ونڈو آپریشن کی سہولت فراہم کی جائے گی

 

Read 1065 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto