سوشل میڈیا کیس: تحقیقاتی ٹیم میں قادیانی افسر کے شامل ہونے کا انکشاف

پیر, 20 مارچ 2017 14:56

اسلام آباد: سوشل میڈیا میں مقدس شخصیات کی گستاخی کے خلاف کیس میں اسلام آباد ہائیکورٹ کے بار بار احکامات کے باوجود تحقیقاتی ٹیم میں قادیانی افسر کو شامل کئے جانے کا انکشاف ہوا ہے، تحقیقاتی عمل میں ایک سینئر قادیانی افسر کے شریک ہونے کی وجہ سے ایف آئی اے سوشل میڈیا میں کائنات کی مقدس ترین شخصیات کی گستاخی میں ملوث ملزمان کی نشاندہی کرنے میں ناکام رہی۔

کیس کی سماعت کے دوران جسٹس شوکت عزیز صدیقی نے بار بار وفاقی سیکرٹری داخلہ اور ایڈووکیٹ جنرل اسلام آباد کو ہدایت کی تھی ’’سوشل میڈیا میں گستاخی کے خلاف کیس کے تحقیقاتی عمل میں کوئی بھی ایسا شخص شامل نہ ہو جو آئین پاکستان کی روح سے غیرمسلم ہو،کیونکہ سوشل میڈیا میں جاری گستاخانہ مہم میں وہ لوگ بھی ملوث ہیں جنہیں آئین پاکستان نے غیرمسلم قرار دے رکھا ہے‘‘۔

وفاقی سیکرٹری داخلہ نے عدالت کو یقین دہانی کرائی تھی عدالتی حکم کی تعمیل ہوگی مگر باوثوق ذرائع نے انکشاف کیا ہے وفاقی حکومت نے اسلام آباد ہائیکورٹ کے احکامات کی دھجیاں اڑاتے ہوئے ایف آئی اے کی تحقیقاتی ٹیم میں ایک ایسے اعلیٰ افسر کو بھی شامل کیا جو قادیانی ہے۔ جسٹس شوکت عزیز صدیقی نے 17مارچ کو ایف آئی اے کی تحقیقات پر مکمل طور پر عدم اعتماد کا اظہار کرتے ہوئے شدید برہمی کا بھی اظہار کیا تھا۔

Read 158 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto