سی پیک حقیقت میں گیم چینجر منصوبہ، پاکستان ہی نہیں پورا خطہ مستفید ہو گا، ڈاکٹر مصدق ملک

بدھ, 17 مئی 2017 01:11

اسلام آباد: وزیراعظم کے ترجمان ڈاکٹر مصدق ملک نے کہا ہے کہ سی پیک حقیقت میں گیم چینجر منصوبہ ہے جس سے نہ صرف پاکستان بلکہ پورا خطہ مستفید ہو گا۔نجی ٹی وی چینل کے پروگرام میں گفتگو کرتے ہوئے کیا۔ انہوں نے کہا کہ ہم سی پیک کو جلد سے جلد مکمل کرنے کے لیے کوشاں ہیں اور اس منصوبے کے ثمرات تو ابھی سے نظر آ رہے ہیں۔ انہوں نے کہا کہ چین کا زیادہ فوکس گوادر بندرگاہ پر ہے لیکن ہم ساتھ میں توانائی سمیت دیگر منصوبوں کو بھی بروقت مکمل کرنے کے لیے کوشاں ہیں۔ انہوں نے کہا کہ سی پیک ٹریڈ میں دونوں ملکوں کا فائدہ ہے۔ ایک سوال کے جواب میں انہوں نے کہا کہ ملک میں صنعت کو بہتر کرنے کے لیے زراعت کے شعبے کو بہتر کرنا ہو گا جس کے لیے موجودہ حکومت اہم و موثر اقدامات کر رہی ہے، مسلم لیگ (ن) نے جب سے اقتدار سنبھالا ہے ملکی ترقی و خوشحالی کے لیے موثر و اہم اقدامات کیے جا رہے ہیں اور انہی اقدامات ہی کا نتیجہ ہے کہ آج ملک ترقی و خوشحالی کی راہ پر گامزن ہو چکا ہے۔انہوں نے کہا کہ  وزیراعظم نے توانائی بحران کے خاتمے سمیت قوم سے جو وعدے کیے تھے انہیں پورا کیا جا رہا ہے اور ہم پر عزم ہیں کہ بہت جلد ملک سے اندھیروں کا خاتمہ یقینی بنا دیا جائے گا۔ انہوں نے کہا کہ وفاقی حکومت تمام صوبوں کی فلاح و بہبود کے لیے کوشاں ہے اور تھر کے اندر اربوں روپے کی سرمایہ کاری کے ساتھ ساتھ کراچی کے لوگوں کے لیے گرین لائن منصوبے سمیت متعدد اہم منصوبوں پر کام تیزی سے جاری رکھے ہوئے ہے تاکہ ان لوگوں کے معیار زندگی کو بھی بہتر بنایا جا سکے۔

Read 133 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto