نوجوانوں کو ٹارگٹ بنانے کے سنگین نتائج برآمد ہونگے، نعیم خان

ہفتہ, 22 اپریل 2017 19:10

سرینگر: جموں و کشمیر نیشنل فرنٹ کے چیئرمین نعیم احمد خان نے مقبوضہ کشمیر میں نوجوان نسل پر ظلم و زیادتیوں کو ناقابل برداشت قرار دیا۔ انہوں نے کشمیری حکومت کو خبردار کرتے ہوئے کہا کہ اگر فوری طور پر کشمیری نوجوانوں کو ٹارگٹ کرنا بند نہیں کیا گیا تو اس کے سنگین نتائج برآمد ہوں گے۔ سرینگر سے جاری اپنے ایک بیان میں نیشنل فرنٹ کے چیئرمین نے گذشتہ روز ایک بار پھر سرینگر، اننت ناگ، بانڈی پورہ، کنگن اور پٹن میں طلباء و طالبات پر تشدد ڈھانے پر افسوس کا اظہار کرتے ہوئے کہا کہ قابض فورسز تمام حدیں پار کر رہے ہیں اور اس کے لئے اُنہیں حکام کا آشیرواد حاصل ہے۔ نعیم خان نے سرینگر میں پولیس کے ہاتھوں ایک اور طالبہ کے زخمی ہونے پر شدید تشویش کا اظہار کیا۔ انہوں نے کہا کہ ہماری پوری نوجوان نسل بھارتی نشانے پر ہے اس کو مسلسل نشانہ بنایا جا رہا ہے، جو ناقابل برداشت ہے اور اگر اس سلسلے کو فوری طور پر نہیں روکا گیا تو اس کے خلاف سنگین ردعمل ظاہر ہوگا۔

انہوں نے کہا کہ نئی دہلی اور اس کے مقامی گماشتوں نے کشمیر میں ایک ایسی صورتحال تیار کر رکھی ہے، جس کے خلاف مظاہرے ناگزیر بن گئے ہیں کیونکہ کشمیری عوام ہر گزرنے والے دن کے ساتھ سیاسی طور پر باشعور ہوتے جا رہے ہیں، وہ جانتے ہیں کہ بھارت اور اس کے مقامی آلہ کاروں کی پالیسیاں کتنی کشمیر مخالف ہیں۔ انہوں نے مزید کہا کہ امن و قانون کی آڑ میں ہماری نوجوان نسل کو پس از دیوار کیا جارہا ہے جس کے خلاف ہر کشمیری کی طرف سے ردعمل کا ظاہر ہونا ایک فطری بات ہے۔ نعیم خان نے کہا کہ صرف کشمیر نہیں بلکہ جموں صوبہ کے مسلم اکثریتی خطوں میں بھی عوام ظلم و جور کے مہیب سایوں میں جی رہے ہیں۔

Read 447 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto