بھارت نے مذاکرات معطل کرکے تعلقات مزید خراب کیے، اعزاز چوہدری

بدھ, 17 مئی 2017 00:00

واشنگٹن: امریکہ میں تعینات پاکستان کے سفیر اعزاز چوہدری نے کہا ہے کہ بھارت نے پاکستان سے خود مذاکرات معطل کیے اور اسے ایسا کرکے کچھ حاصل نہیں ہوا بلکہ تعلقات مزید خراب ہو رہے ہیں، بھارت جب تیار ہو پاکستان اس سے بات چیت کیلئے تیار ہے، ان خیالات کا اظہار انہوں نے ورلڈ افیئر ز کونسل کے تحت پروگرام میں خطاب کرتے ہوئے کیا۔ انہوں نے کہا کہ بھارت طاقت کے بل پر انسانی حقوق کی سنگین کیخلاف ورزیاں کر رہا ہے، بھارتی فوج پیلٹ گن کے ذریعے تقریباً ایک ہزار کشمیریوں کو نابینا کر چکی ہے اور یہ مظالم قابض فوج کےخلاف کشمیریوں میں نفرت پیداکر رہے ہیں۔ مقبوضہ کشمیر میں جاری جدو جہد مقامی ہے اور پاکستان کشمیریوں کی سفارتی اور سیاسی واخلاقی مدد جاری رکھے گا۔
انہوں نے کہا کہ امریکاسے تعلیم، صحت، انسداد دہشتگردی اوردفاع کے شعبے میں گہرے تعلقات ہیں، پاک امریکا باہمی تعلقات بڑی اہمیت رکھتے ہیں ماضی میں پاکستان امریکا تعاون کا مثبت نتیجہ نکلا ۔ امریکا پاکستان کاسب سے بڑا تجارتی پارٹنرہے ، امریکامیں مقیم پاکستانی دونوں ملکوں کے درمیان رابطے کا ذریعہ ہیں۔ اعزاز چوہدری کا کہنا تھا کہ پاکستان میں امن و امان کی صورت حال میں قابل ذکر بہتری آئی ہے اور دہشتگردی میں نمایاں کمی سے پاکستان کی معیشت پر مثبت اثر پڑا جبکہ عالمی کریڈٹ ایجنسیوں نے پاکستان کی کریڈٹ ریٹنگ منفی سے مثبت کردی ہے۔ پاکستان اسٹاک ایکسچینج دنیا میں پانچویں بڑی ایکسچینج کے طور پر ابھرا ہے اور انڈیکس پہلی بار52 ہزارپوائنٹس کی بلندترین سطح پر ہے۔

Read 858 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto