آزادی کے جذبہ کو ختم کرنا بھارت کے بس کی بات نہیں ہے، صلاح الدین

پیر, 19 جون 2017 00:13

سرینگر: متحدہ جہاد کونسل کے چیئرمین سید صلاح الدین نے کہا ہے کہ تحریک آزادی کشمیر پر جانیں نچھاور کرنے والے اور ان کے وارث کشمیری عوام کے جذبۂ آزادی کو ختم کرنا درکنار، اسے کمزور کرنا بھی قابض فورسز کے لئے نا ممکن ہے۔ ان خیالات کا اظہار مظفرآباد میں سید صلاح الدین نے متحدہ جہاد کونسل کے ایک اعلٰی سطحی اجلاس سے خطاب کرتے ہوئے کیا۔ انہوں نے کہا کہ بہتر ہے کہ بھارتی قیادت نوشتہ دیوار پڑھ لے، ورنہ یہ جذبۂ بھارت کے اپنے وجود کے لئے بھی انتہائی مہلک ثابت ہوگا۔ انہوں نے عسکریت پسندوں جنید متو، عادل مشتاق میر، نصیر احمد وانی اور نہتے عام شہری محمد اشرف، احسن ڈار اور نصیر احمد شیخ کو زبردست خراج عقیدت ادا کرتے ہوئے کہا کہ ان کا خون رائیگاں نہیں جائے گا۔

سید صلاح الدین نے کہا کہ پوری کشمیری قوم اس وقت بھارتی فورسز کے خلاف جانوں کی پرواہ کئے بغیر مقابلہ کر رہی ہے اور کسی بھی قسم کے جبر و طاقت کو اہمیت دئیے بغیر اپنی آزادی کی جنگ لڑ رہی ہے، ان حالات میں بھارتی قیادت کو نوشتہ دیوار پڑھنے کی ضرورت ہے اگر انہوں نے حالات کی نزاکت سمجھنے میں زیادہ دیر کی تو اس کے نتائج بہت سنگین برآمد ہوں گے۔ سید صلاح الدین نے عسکریت پسندوں کی حفاظت کے لئے، نہتے عوام کے جذبہ عشق کو زبردست خراج تحسین پیش کرتے ہوئے اس بات کا انہیں یقین دلایا کہ جنگجو بھی ان کے اعتماد پر پورا اتریں گے اور انشاء اللہ حصول منزل تک اپنی جدوجہد جاری رکھیں گے۔ اجلاس میں شہداء کی بلندی درجات اور لواحقین کے لئے صبر جمیل کی دعا کی گئی۔

Read 696 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto