مردان، عبد الولی خان یونیورسٹی گارڈن کیمپس میں مبینہ توہین رسالت کے الزام میں طالب علم قتل

ہفتہ, 15 اپریل 2017 00:29

مردان: خیبر پختونخوا کے شہر مردان میں واقع عبدالولی خان یونیورسٹی گارڈن کیمپس میں طلباء کے تشدد سے ایک طالبعلم جاں بحق ہوگیا۔ ساتھی طلباء کے مطابق جاں بحق ہونے والے طالب علم پر الزام تھا کہ اس نے فیس بک پر ایک پیج بنا رکھا تھا، جہاں وہ توہین آمیز پوسٹس شیئر کیا کرتا تھا۔ ڈی آئی جی مردان عالم شنواری کے مطابق اسی الزام کے تحت مشتعل طلباء کے ایک گروپ نے مذکورہ طالب علم پر تشدد کیا، جس کے نتیجے میں طالب علم جاں بحق ہوگیا۔

طالب علم کی لاش کو پولیس نے تحویل میں لے کر پوسٹ مارٹم کیلئے ہسپتال منتقل کر دیا ہے۔ اس واقعہ میں ملوث طلباء کو گرفتار کر لیا گیا ہے، جبکہ مزید ملوث طلباء کی گرفتاری کیلئے چھاپے مارے جا رہے ہیں۔ جاں بحق ہونے والا طالبعلم جرنلزم ڈپارٹمنٹ میں پڑھتا تھا۔ یونیورسٹی انتظامیہ کے مطابق واقعے کے بعد عبدالولی خان یونیورسٹی کو غیر معینہ مدت کیلئے بند کر دیا گیا ہے۔

Read 3984 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto