پولیس نے مشال قتل کیس کے مزید 2 اہم ملزمان کو گرفتارکرلیا

اتوار, 23 اپریل 2017 20:54

مردان: پولیس نے  مشال قتل کیس کے مزید 2 اہم ملزمان کو گرفتار کرلیا ہے جس کے بعد اس کیس میں گرفتارملزمان کی تعداد 30 ہوگئی ہے۔ ڈی پی او مردان ڈاکٹر میاں سعید کے مطابق عبدالولی خان یونیورسٹی کے طالب علم مشال خان کے قتل میں ملوث ملزمان کی ویڈیو کی مدد سے گرفتاریوں کا سلسلہ جاری ہے اور مزید 2 اہم ملزمان کو حراست میں لے لیا گیا ہے جب کہ گرفتار ملزم بلال بخش پر یونیورسٹی میں جمع ہونے والے طلبا کو اشتعال دلانے اور مشال خان اور ان کے ساتھیوں کو قتل کرنے کا نعرہ لگانے کا الزام ہے۔

ڈی پی او مردان کی جانب سے جاری بیان میں بتایا گیا ہے کہ ملزم بلال بخش یونیورسٹی میں کمپیوٹر آپریٹر ہے جسے یونیورسٹی انتظامیہ نے گیٹ سکیورٹی کا انچارج تعینات کیا تھا جب کہ دوسرا ملزم عامر ہے جو یونیورسٹی کا طالب علم ہے۔ بیان میں کہا گیا ہے کہ ملزم عامر کو ویڈیو میں مشال خان کی لاش کی بے حرمتی کرتے اور ڈنڈے برساتے ہوئے دیکھا جاسکتا ہے۔

واضح رہے کہ گزشتہ روز مشال کے قتل سے قبل کی ایک ویڈیو منظرعام پر آئی ہے جس میں واضح طور پر سنا اور دیکھا جاسکتا ہے کہ مشتعل طالب علم کہہ رہے ہیں کہ آؤ مشال کو تلاش کریں اور اسے مار دیتے ہیں جب کہ پولیس نے اس ویڈیو کی بنیاد پر گرفتاریاں تیز کردیں اور اب تک 30 ملزمان کو حراست میں لیا جاچکا ہے۔

Read 857 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto