لاہور میں دھماکے سے متعدد افراد کے زخمی ہونے کی اطلاعات

پیر, 07 اگست 2017 22:22

لاہور: آؤٹ فال روڈ پر دھماکے سے متعدد افراد کے زخمی ہونے کی اطلاعات موصول ہوئی ہیں۔ میڈیا رپورٹس کے مطابق لاہور کے علاقے آؤٹ فال روڈ پر دھماکے کی آواز سنی گئی ہے جس کے نتیجے میں متعدد افراد کے زخمی ہونے کی اطلاعات موصول ہو رہی ہیں۔ دھماکا اس قدر شدید تھا کہ اس سے قریبی عمارتوں کے شیشے بھی ٹوٹ گئے۔
دھماکے کے فوری بعد سیکیورٹی فورسز اور بم ڈسپوزل اسکواڈ کا عملہ جائے وقوعہ پر پہنچا اور علاقے کا محاصرہ کر کے شواہد اکٹھے کرنا شروع کر دیئے۔ ابتدائی طور پر کہا جا رہا ہے کہ دھماکا خیز مواد ایک ٹرک میں نصب کیا گیا تھا تاہم دھماکے کی نوعیت کا تعین کیا جا رہا ہے۔
ذرائع میو اسپتال کے مطابق 20 کے قریب افراد کو طبی امداد کے لئے اسپتال لایا گیا ہے۔ دھماکے کے بعد لاہور کے مختلف علاقے بجلی سے محروم ہو گئے اور گنجان آباد علاقہ ہونے کی وجہ سے عوام میں شدید خوف و ہراس پایا جاتا ہے۔

Read 43 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto