فاروق ستار کا کنکشن ڈس کنکٹ ضرور ہوتا ہے مگر لائن لندن کی ہے، منظور وسان

پیر, 29 اگست 2016 17:12

کراچی: اپنے خوابوں اور تعبیروں کے حوالے سے مشہور سندھ کے وزیر صنعت و تجارت منظور وسان کہتے ہیں کہ فاروق ستار کا کنکشن کبھی ڈس کنکٹ ضرور ہوتا ہے مگران کی لائن لندن کی ہی ہے۔

کراچی میں میڈیا سے بات کرتے ہوئے منظور وسان نے کہا کہ ایم کیو ایم تین دھڑوں میں بٹ رہی ہے، 2018 میں ایم کیوایم کی پارلیمنت میں نمائندگی کم ہوجائے گی، فاروق ستار لندن کے کنکشن کےعلاوہ بات نہیں کررہے، کنکشن کبھی ڈس کنکٹ ضرور ہوتا ہے مگر ان کی لائن لندن کی ہی ہے۔ متحدہ کے بانی کا مستقبل لندن میں ہے اور اب اندر کے لوگ پارٹی چلائیں گے۔

اس سے قبل منظور وسان نے سندھ اسمال انڈسٹریز کارپوریشن کے دفتر پر اچانک دورہ کیا تو ایم ڈی سمیت کئی اعلیٰ افسران کو غیر حاضر پایا، دفتر میں سندھ اسمال انڈسٹریز کے 7 میں سے صرف ایک ڈائرکٹر حاضر تھے۔ جس پر انہوں نے افسران کی ماہانہ حاضری کا ریکارڈ طلب کرلیا۔ انہوں نے سندھ اسمال انڈسٹریزکارپوریشن کے ایم ڈی کی غیرحاضری پر پوچھ گچھ کی اور انہیں وارننگ جاری کردی۔ اس کے علاوہ انہوں نے عمارت میں ٹوٹی کرسیاں اور کچرا دیکھ کر برہمی کا اظہار کیا۔

دورے کے دوران سندھ اسمال انڈسٹریزکی 2خواتین ملازمین نے منظور وسان سے تنخواہ نہ ملنےکی شکایت کی، جس پر انہوں نے کہا کہ ادارے کی ماہانہ آمدنی 20 کروڑ روپے جب کہ اخراجات 40 کروڑ ہیں، ملازمین کی تنخواہوں کی ادائیگی کے لیے اقدامات کیے جارہے ہیں، وہ وعدہ کرتے ہیں کہ ملازمین کو عیدالالضحیٰ سے قبل تنخواہیں ادا کردی جائیں گی۔ اس موقع پر انہوں نے اپنی جیب سے دونوں خواتین کو5،5 ہزار روپے دے دیئے۔

Read 537 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto