سندھ پولیس میں لشکر جھنگوی سمیت کالعدم تنظیموں کے خفیہ نیٹ ورک کی تلاش شروع

جمعہ, 10 مارچ 2017 12:31

کراچی: سندھ پولیس میں لشکر جھنگوی سمیت کالعدم دہشتگرد تنظیموں کے خفیہ نیٹ ورک کی تلاش شروع کر دی گئی ہے۔ تفصیلات کے مطابق شہید ایس ایس پی چوہدری اسلم کے قتل میں نئے انکشافات سامنے آنے لگے، چوہدری اسلم پر حملے میں ملوث پولیس اہلکار کامران کا نام سامنے آنے پر سی ٹی ڈی حکام چوکنا ہوگئے، سندھ پولیس میں لشکر جھنگوی سمیت دیگر کالعدم دہشتگرد تنظیموں کے خفیہ نیٹ ورک کی تلاش شروع کر دی گئی۔ کراچی کے علاقے کورنگی مہران ٹاؤن سے سی ٹی ڈی کی کارروائی کے دوران کالعدم لشکر جھنگوی کے گرفتار چار دہشتگردوں نے چوہدری اسلم کے ٹیم میں شامل کامران کا نام لے کر تحقیقات اداروں کو چوکنا کر دیا، چوہدری اسلم کے گھر پر ہونے والا دھماکا بھی پولیس اہلکار کامران نے کرایا تھا۔

دہشتگردوں کے مطابق پولیس اہلکار کامران نے پہلے لشکر جھنگوی نعیم بخاری گروپ کے سلیمر سیل کے امیر دلدار عرف چاچا سے چوہدری اسلم کے گھر کی ریکی کرائی تھی، جبکہ چوہدری اسلم کے آنے جانے کی ٹائمنگ اور حرکات و سکنات بھی کامران ہی فراہم کرتا تھا۔ سی ٹی ڈی کے ہاتھوں گرفتار دہشتگرد ظفر سائیں، طیب احسان، قاری جاوید اور وزیر عرف ریحان نے انکشاف کیا کہ ان کا کمانڈر پولیس اہلکار کامران چوہدری اسلم کی ٹیم میں شامل تھا، جس نے واردات کیلئے پانچ کروڑ کی رقم بھی وصول کی تھی۔ جوائنٹ انٹیروگیشن ٹیم کی دہشتگردوں سے پوچھ گچھ جاری ہے، دہشتگردوں کو فنڈنگ کون کون کرتا تھا، جے آئی ٹی اس بات کا بھی باریک بینی سے جائزہ لے رہی ہے۔

Read 204 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto