وفاقی حکومت نے سندھ میں امن و امان کیلئے کچھ نہیں کیا، جھوٹے دعووں کی بنیاد پر سیاست کو چمکایا جاتا ہے، مولا بخش چانڈیو

پیر, 13 مارچ 2017 01:48

حیدرآباد: پیپلز پارٹی کے رہنما مولا بخش چانڈیو نے کہا ہے کہ وفاقی حکومت نے سندھ میں امن و امان کی فضا کے قیام کیلئے کچھ نہیں، یہاں محض جھوٹے دعووں کی بنیاد پر سیاست کو چمکایا جاتا ہے۔ تفصیلات کے مطابق میڈیا سے گفتگو کرتے ہوئے مولا بخش چانڈیو کا کہنا تھا کہ چیئرمین اور شریک چیئرمین پیپلز پارٹی کو برا بھلا کہا گیا، ہمارے قائد کا عدالتی قتل کیا گیا لیکن پھر بھی ہم نے کسی کو گالیاں نہیں دیں کیونکہ گالیاں دینا ہماری سیاست کا حصہ نہیں ہے اور یہ سب ہونے کے باوجود آج بھی ایک ہی بات کہتے ہیں کہ ہم پاکستان کو بچائیں گے۔ انہوں نے کہا کہ سیہون درگاہ کی بجلی چوری کا الزام لگاکر بجلی کاٹ دی گئی اور شہباز شریف نے بجلی نہ ہونے کی صورت میں اپنا نام تبدیل کرنے کا کہا تھا لیکن نہ تو بجلی آئی اور نہ ہی نام تبدیل ہوا، حقیقت تو یہ ہے کہ وفاقی حکومت چھوٹے صوبوں کوبجلی نہیں دے سکتی کیونکہ ن لیگ کے پیالے میں چھوٹے علاقوں کیلئے تو دودھ نہیں لیکن مخصوص علاقوں کیلئے یہ پیالہ بھرا ہوا ہے۔ ان کا کہنا تھا کہ میرا تمام سیاسی رہنماوں کو مشورہ ہے کہ وہ سیاست تو کریں لیکن سیاست میں اپنا لہجہ بھی سیاسی ہی رکھیں تو بہتر ہوگا کسی کیخلاف بھی ذاتیات پر مبنی بیان بازی سے گریز کرنا چاہیے۔

Read 303 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto