حکومت کے خلاف 10 لاکھ لوگوں کو لے کر نکلیں گے، مصطفیٰ کمال

بدھ, 03 مئی 2017 16:10

کراچی: پاک سرزمین پارٹی کے سربراہ مصطفیٰ کمال نے کہا ہے کہ حکومت کے خلاف جاری احتجاج کا اگلا مرحلہ مئی کے دوسرے ہفتے میں کراچی میں شروع ہوگا، ہم اپنے مطالبات کے حصول کیلئے 10 لاکھ لوگوں کو لے کر سڑکوں پر نکلیں گے۔ تفصیلات کے مطابق پاک سرزمین پارٹی کے سربراہ مصطفیٰ کمال کا سندھ کے ضلع حیدرآباد میں حکومت مخالف دھرنے کے شرکاء سے خطاب کرتے ہوئے کہنا تھا کہ ہم احتجاج کیلئے گزشتہ 18 دن تک فٹ پاتھ پر رہے، ہمارے 16 میں سے 8 مطالبات میئر کیلئے ہیں، جو ہم کراچی اور حیدرآباد کے میئرز کو دلانا چاہتے ہیں، جبکہ ہم نے ایسے مطالبات اٹھائے ہیں، جس سے ہمارے مخالفین کو تو فائدہ ہے ہی، لیکن ان کو بھی فائدہ ہے جو ہماری زبان نہیں بولتے۔ انہوں نے کہا کہ ہم احتجاج میں 10 لاکھ لوگوں کو لے کر نکلیں گے اور یہ لوگ اور ہم اپنے لئے پروٹوکول، مراعات، قید ساتھیوں کی آزادی کیلئے نہیں نکلیں گے، بلکہ ہمارے احتجاج کا مقصد کراچی سمیت صوبے کے شہریوں کو پانی، ٹرانسپورٹ اور دیگر سہولیات دلانا ہے۔

Read 558 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto