آئی سی سی رینکنگ: بابراعظم نے پانچویں پوزیشن پر مضبوطی سے قدم جما لئے

ہفتہ, 19 اگست 2017 16:56

دبئی: آئی سی سی ون ڈے رینکنگ میں پاکستانی بیٹسمین بابراعظم نے پانچویں پوزیشن پر مضبوطی سے قدم جمائے رکھے جبکہ آل راؤنڈرز میں محمد حفیظ بدستور دوسرے نمبر پر ہیں۔ سری لنکا اور بھارت کی ون ڈے سیریز سے قبل جاری ہونے والی آئی سی سی کی نئی ون ڈے رینکنگ میں بابراعظم ٹاپ 10 میں موجود واحد پاکستانی بیٹسمین ہیں، انھوں نے پانچویں پوزیشن حاصل کررکھی ہے، بھارتی کپتان کوہلی بدستور نمبرون ہیں۔

آسٹریلوی اوپنر ڈیوڈ وارنر نے دوسری اور جنوبی افریقی بیٹسمین ابراہم ڈی ویلیئرز نے تیسری پوزیشن پر قبضہ جمایا، انگلش کپتان جوئے روٹ چوتھے اورنیوزی لینڈ کے کین ولیمسن چھٹے درجے پر ہیں، جنوبی افریقی وکٹ کیپر بیٹسمین کوائنٹن ڈی کک نے ساتویں جبکہ ہموطن فاف ڈوپلیسی نے آٹھویں پوزیشن سنبھالی، کیوی اوپنر گپٹل9ویں نمبر پر ہیں جبکہ جنوبی افریقہ کے ہاشم آملا کی شمولیت سے ٹاپ 10 مکمل ہوگئی۔

حالیہ سیریز میں شامل ویرات کوہلی مزید عمدہ پرفارمنس سے برتری کو مزید مستحکم کرسکتے ہیں، سردست انھیں وارنر پر 12 پوائنٹس کی سبقت حاصل ہے، سابق بھارتی کپتان دھونی 12، شیکھردھون13 اور نائب کپتان روہت شرما14ویں نمبروں پر ہیں۔

بولنگ میں آسٹریلوی پیسر جوش ہیزل ووڈ کا راج قائم ہے، عمران طاہر دوسرے، مچل اسٹارک تیسرے، کیگاسو ربادا چوتھے اور بولٹ پانچویں درجے پر موجود رہے، پاکستانی اسٹار حسن علی نے چھٹی پوزیشن حاصل کررکھی ہے، ویسٹ انڈین اسپنر سنیل نارائن ساتویں، افغان بولر راشد خان آٹھویں، کرس ووئکس نویں اور افغان بولر محمد نبی 10ویں درجے پر رہے۔ بھارتی پیسر بھونیشور کمار 13، لیفٹ آرم اسپنر اکشر پٹیل20 اور بمرا31 ویں نمبروں پر ہیں، یہ تمام بھی اچھی پرفارمنس سے اپنی عالمی درجہ بندی میں بہتری لا سکتے ہیں۔

علاوہ ازیں ٹاپ 5آل راؤنڈرز میں بنگلہ دیش شکیب بدستور پہلے نمبر پر ہیں، پاکستان کے حفیظ نے دوسری پوزیشن قبضے میں رکھی، افغانستان کے محمد نبی تیسرے، آسٹریلوی فالکنر چوتھے اور سری لنکن میتھیوز پانچویں درجے پر رہے۔

Read 253 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto