عالمی شہرت یافتہ تن ساز لاہور پہنچ گئے، شہریوں کا بھرپور خیرمقدم

ہفتہ, 19 اگست 2017 19:58

لاہور: لاہور میں پہلی بار منعقد ہونے والی دو روزہ فٹنس ایکسپو میں شرکت کے لیے تین انٹرنیشنل باڈی بلڈرز پہنچ گئے ہیں جن میں امریکا سے تعلق رکھنے والے کائی گرین اور ایڈم پیز جب کہ برطانیہ کے عارف مرزا شامل ہیں۔لاہور میں 19 اور 20 اگست کو دو روزہ فٹنس ایکسپو منعقد ہوگی جس میں غیر ملکی باڈی بلڈز بھی شریک ہوں گے۔ تینوں باڈی بلڈرز پی کے 185 کے ذریعے اسلام آباد سے لاہور پہنچے۔ لاہور ائیرپورٹ پر فٹنس ایکسپو کے منتظمین سلمان واہلہ اور فٹنس ایکسپو کے میڈیا مشیر نسیم قریشی نے غیرملکی باڈی بلڈرز کا استقبال کیا۔اس موقع پر میڈیا سے گفتگو کرتے ہوئے تن ساز کائی گرین نے کہا کہ باڈی بلڈرز کی قوت بخش ادویات استعمال کرنے کے سخت خلاف ہوں۔ انہوں نے کہا کہ پاکستان آکر بہت اچھا لگا ہے یہاں بہت پیار مل رہا ہے اور ایکسپو میں ہونے والی نمائش مثبت سرگرمیوں کی جانب اچھا اقدام ہے۔تجزیہ کاروں کے مطابق انٹرنیشنل فٹ بالرز کے بعد عالمی شہرت یافتہ باڈی بلڈرز کی آمد پاکستان میں عالمی کھیلوں کی بحالی کی جانب پیش رفت ہے جس کے ذریعے ملک کا تاثر بہتر بنانے میں مدد ملے گی۔ واضح رہے کہ اس سے قبل رونالڈینیو کی قیادت میں عالمی شہریت یافتہ آٹھ غیر ملکی فٹبالرز نے پاکستان کا دورہ کیا تھا۔

Read 355 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto