شمالی وزیرستان میں قومی کھلاڑیوں کی چھکے چوکوں کی برسات

جمعہ, 22 ستمبر 2017 00:28

میران شاہ: شمالی وزیرستان کے یونس خان کرکٹ اسٹیڈیم میں پاک فوج کے زیراہتمام یو کے میڈیا الیون کے خلاف ٹی 20 مقابلے میں قومی کھلاڑیوں نے چھکے چوکوں کی بارش کردی۔ پاکستان ویوز کے مطابق طویل بد امنی اوردہشت گردوں کے خلاف کامیاب آپریشن کے بعد شمالی وزیرستان میں پاک فوج کی جانب سے مقامی لوگوں کی دوبارہ آباد کاری اورعلاقے میں معاشی و معاشرتی سرگرمیوں کی بحالی کا کام تیزی سے جاری ہے، اسی سلسلے میں یو کے میڈیا الیون اورپاکستان الیون کے درمیان ’پیس کپ 2017‘ کے لیے ٹی 20 میچ کا انعقاد کیا گیا۔
یوکے میڈیا الیون نے ٹاس جیت کر پاکستان الیون کو بیٹنگ کی دعوت دی، اوپنر کامران اکمل اور یاسر حمید نے 51 رنز کا آغاز فراہم کیا۔ یاسر حمید کے آؤٹ ہونے کے بعد کامران اکمل کا ساتھ نبھانے عمر امین آئے۔ دونوں کھلاڑی ریٹائرڈ ہرٹ ہوئے تو شاہد آفریدی اور انضمام الحق میدان میں اترے، دونوں نے 80 اور انضمام 28 رن بناکر ناٹ آؤٹ رہے، پاکستان نے مقررہ 20 اوورز میں ایک وکٹ کے نقصان پر 253 رن بنائے۔
جواب میں مہمان ٹیم مقررہ 20 اوورز میں 120رنز بناسکی، نثار آفریدی ناقابل شکست 70 رنز کے ساتھ نمایاں رہے۔ اس طرح پاکستان الیون نے مقابلہ 133 سے ہرا دیا۔ میچ سے قبل ڈی جی آئی ایس پی آر میجر جنرل آصف غفوراور کور کمانڈرپشاور لیفٹیننٹ جنرل نذیراحمد بٹ بھی اسٹیڈیم میں پہنچے اوردونوں ٹیموں کے کھلاڑیوں، انتظامیہ اور دیگر اہم شخصیات سے ملاقات کی۔ ڈی جی آئی ایس پی آرمیجر جنرل آصف غفورکا کہنا تھا کہ امن اورخوشحالی ہماری منزل ہےاوریہ کرکٹ میچ آرمی چیف کی خصوصی ہدایت پر منعقد کیا جارہا ہے کیونکہ انہوں نے فاٹا کے عوام کے ساتھ اس کا وعدہ کیا تھا، امن کپ کے ذریعے ثابت کریں گے، پاکستان ایک پرامن ملک ہے۔

Read 85 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto