آئی سی سی سے بگ تھری کا خاتمہ بھارت کی شکست ہے، نجم سیٹھی

جمعرات, 27 اپریل 2017 00:41

لاہور: پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی کا کہنا ہے کہ آئی سی سی سے بگ تھری کا خاتمہ بھارت کی شکست ہے جب کہ دو طرفہ سیریز نہ کھیلنے پر بھارتی کرکٹ بورڈ سے مالی نقصان کا ازالہ طلب کیا جائے گا۔ سماجی رابطے کی ویب سائٹ ٹوئٹر پر آئی سی سی سے بگ تھری کے خاتمے کے حوالے سے ٹوئٹ کرتے ہوئے پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی نے کہا کہ بھارت ہار گیا کیوں کہ آئی سی سی نے بگ تھری ختم کرنے کا فیصلہ کرلیا ہے۔ ایک اور ٹوئٹ میں نجم سیٹھی نے کہا کہ پاکستان کرکٹ بورڈ نے دو طرفہ کرکٹ سیریز نہ کھیلنے پر بھارت کے خلاف قانونی چارہ جوئی کا فیصلہ کیا ہے اور اس حوالے سے پی سی بی آئندہ ہفتے بی سی سی آئی کو قانونی نوٹس بھیجے گا جس میں بھارتی کرکٹ بورڈ سے مالی نقصان کا ازالہ طلب کیا جائے گا۔

نجم سیٹھی کا کہنا تھا کہ آئی سی سی ٹاسک فورس کے سربراہ جائلز کلارک نے آئی سی سی کے ماہرین کی سیکیورٹی رپورٹس کا جائزہ لینے کے بعد آئی سی سی ورلڈ الیون کو پاکستان بھیجنے کا فیصلہ کیا ہے جب کہ ورلڈ الیون کی ٹیم 3 ٹوئنٹی ٹوئنٹی میچزکھیلنے کے لیے ستمبرمیں پاکستان آئے گی اور ورلڈ الیون کی ٹیم میں ٹاپ کھلاڑی شامل ہوں گے۔ واضح رہے آئی سی سی اجلاس میں بگ تھری سے متعلق ووٹنگ ہوئی جس میں بگ تھری کی مخالفت کی گئی اور اس طرح انٹرنیشنل کرکٹ کونسل میں بگ تھری کا باب بند ہوگیا۔

Read 702 times

Leave a comment

Make sure you enter the (*) required information where indicated. HTML code is not allowed.

Pakistanviews.org

pakistanviews.org stands as a website enlightening the masses with all information related to current affair, entertainment, sports, technology, etc. It has been brought into existence to ensure that voice of Pakistan reaches the masses. Ensuring that a true picture of Pakistan is portrayed in the right manner to the world. The website is to bring forth the real picture of Pakistan negating avenues of Terrorism and Non-State Acto